mozistar.co.cc

ကျနော့်ရဲ့ ပိုစ့်အသစ်များကို mozistar.co.cc မှာ ဆက်လက်ဖော်ပြသွား မှာဖြစ်ပါတယ်။ ကျနော်ရဲ့ ပိုစ့်အသစ်များကို ဖတ်ရှု့ရန်အတွက် mozistar.co.cc ကိုကြွခဲ့ကြပါလို့ ဖိတ်ခေါ်ပါတယ်။

ဖြစ်ချင်မှုနဲ့ မျှော်လင့်ခြင်းများ

ဖြစ်ချင်တာတွေ
မဖြစ်လာတဲ့အခါမှာ
ဝမ်းနည်းတတ်ကြတယ်လား။

ဟုတ်နိုင်ပါတယ်
မျှော်လင့်ခြင်းတိုင်းက
ပြည့်စုံတတ်တာမှ မဟုတ်ပဲလေ။

ဖြစ်ချင်တာတွေ
မဖြစ်လာတာနဲ့
မျှော်လင့်ခြင်းတွေ
မပြည့်စုံတာတွေနဲ့
အမြဲတမ်း ခရီးဆက်နေရတော့။

ဘာကိုမှလည်း
မဖြစ်ချင်တော့သလို
ဘာကိုမှလည်း
မမျှော်လင့်ချင်တော့ပါဘူး။

ဖြစ်ချင်တာတွေ
မျှော်လင့်ခြင်းတွေနဲ့
ဟိုး . . . အဝေးကို

Wordpress တဲ့

တစ်နေ့မှာ ကျနော်မော်စီသည် ဘလော့လည်ရင်း ကိုရာမညဖိုးလပြည့် ဆိုဒ်ကိုရောက်ရှိသွားပါသည်။ အဲဒီမှာ ကိုယ်ပိုင် website (or) wordpress တစ်ခုဖန်တီးခြင်း ဆိုတဲ့ ပိုစ့်တွေကိုဖတ်မိပြီးနောက်ပိုင်း . . . .

ကျနော် wordpress ဆိုဒ်တစ်ခုလုပ်ဖို့ စိတ်ကူးမိသွားပါတယ်။ အဲဒါနဲ့ ကိုရာမညဖိုးလပြည့်မှ တစ်ဆင့် mmwordpress.com၊ ကိုရေခါး၊ ကိုမှော်ဆရာ စတဲ့ wordpress ဆိုဒ်တွေကိုသွားပြီး wordpress နဲ့ ပက်သက်တဲ့ပိုစ့်တွေကို မွှေနှောက်ဖတ်၊ သူတို့ရေးထားတဲ့ wordpress ပြုလုပ်နည်း စာအုပ်တွေကို ဒေါင်းလုပ်၊ အဲလိုနဲ့ ကျနော်မော်စီ အလုပ်ရှုပ်နေပါတယ်။ အဲဒီလိုနဲ့ လုပ်ရင်း အဆင်မပြေတဲ့အခါဆို သူတို့တွေရဲ့ စီဗုံးတွေမှာလိုက်အော် (ကူညီပါအုံးဗျို့ ကယ်ပါအုံးဗျို့ ကျနော်ဒီမှာ @*++%$#@! ဖြစ်နေပါတယ်)။

ဒါပေမယ့် ကျနော့်ရဲ့ wordpress ဆိုဒ်ကို အခုထိစိတ်တိုင်းမကျသေးလို့ မသုံးဖြစ်သေးပါဘူး။ ကလိဆဲကာလဖြစ်လို့ ဆက်ကလိရန်ရှိနေပါသေးတယ်။ wordpress ဆိုဒ်ကို စိတ်တိုင်းကျ ခြယ်လှယ်ပြီးတော့မှ အိမ်ပြောင်းခြင်း အထိမ်းအမှတ်ပွဲတို့ အိမ်သစ်တက်ပွဲတို့ ပြုလုပ်မှာဖြစ်ပါတယ်။ အဲဒီအခါကျမှ ဘလော့ဂါ မောင်နှမများကို လိုက်လံ ဖိတ်ပါတော့မယ်နော်။ အခုတော့ wordpress ကိုဆက်ကလိလိုက်အုံးမယ်။

wordpress ကမ္ဘာမှာ လွှင့်မျေားရင်း . . . . ..

ကြွေလွှင့်သွားခဲ့တဲ့ ကျနော့်ရဲ့ . . .

မေ့ပျောက်လို့ မရနိုင်သေးတဲ့
အတိတ်တစ်ခုကို
ပြန်ပြောင်းစဉ်းစားရင်းနဲ့
အချိန်တွေ ကုန်လွန်ခဲ့တာ
ကြာရောပေါ့ . . . ။

စိန်ပန်းတွေပွင့်တဲ့ ကျောင်းတော်ကြီးရဲ့
တစ်နေရာမှာ
သူမကိုကျနော် ... စတွေ့ခဲ့တာ
ဒါပေမယ့်
သူမက ကျနော့်ကို တွေ့ခဲ့တာ
ဟိုးအရင်ကတည်းကပေါ့ ... ။

<ကန်သင်း>ဆိုတာ
ကျနော်တို့ကျောင်းသားတွေ
ခဏတာတွေ့ဆုံရာပေါ့
ခဏခဏမျက်လုံးချင်းဆုံမိပေမယ့်
ကျနော့်ရဲ့ညံ့ဖျင်းမှုကြောင့်
မျက်လုံးရဲ့ဘာသာစကားကို
ဘာသာမပြန်တတ်ခဲ့ဘူး . . .။

သူမရဲ့ အပြုံးတွေကို
ကျနော်တစ်ယောက်တည်း
စွဲလမ်းနေမိတယ်
တိတ်တဆိတ်နဲ့ပေါ့
ဒါပေမယ့်
တိတ်တဆိတ်စွဲလမ်းနေတာကို
သူမ ဘယ်လိုလုပ်သိသွားတာပါလိမ့် . . .။

သူမရဲ့အပြုံးလေးကို
ရွှေချသိမ်းထားဖို့ ဆိုတဲ့
ကဗျာလေးနဲ့ တင်စားခဲ့ဖူးတယ်
ကျောင်းကထုတ်တဲ့ ကဗျာတွေထဲမှာ
နာမည်ကြီး ကဗျာတစ်ပုဒ်ပေါ့ lol . . .။

ကျနော့်ရဲ့ အူတူတူ အတတ
အမူအရာတွေက
သူမကို စွဲလမ်းစေခဲ့ကြောင်း
နောက်မှ ကျနော်သိခဲ့ရတယ်
ဘယ်လိုကောင်မလေးပါလဲနော်
အူတူတူ အတတလေးကိုမှ
သဘောကျတယ်တဲ့လေ . . .။

လမင်းကြီးကတော့ ငါးကြိမ်မြောက်
သာယာသွားခဲ့ပြီး ...
ကျနော့်ရဲ့ ပုံမှန်ချီတက်မှုကို
အမြင်မတော်တဲ့ သူတစ်စုက
ကျနော့်ကို
အနောက်ကနေတွန်းလိုက်တာ
စဉ်းစားအုံးမယ်တဲ့
မှတ်တ်ရရ အဲဒီနေ့က သောကြာနေ့လေ . . .။

ကျနော့်အတွက်တော့
ပုံမှန် ရွေ့လျားနေတဲ့ နေမင်းကြီးကို
နှေးကွေးတယ်လို့ ထင်နေမိတယ်
သောကြာနေ့ လေးကြိမ်မြောက်မှာတော့
ကျနော့်ရဲ့ ကမ္ဘာမှာပန်းတွေ
ရောင်စုံပွင့်လို့ပေါ့ . . .။

သူမက ဆံပင်အရှည်စထားလာတယ်
ကျောင်းလာတိုင်း သနပ်ခါးလိမ်းလာတတ်တယ်
ပြောင်းလဲလာတယ်ပေါ့ (ဘာဖြစ်လို့လဲ)
ကျနော်က အဲဒါတွေကို
သဘောကျလို့တဲ့လေ . . .။

အင်း . . . လိုချင်တာကို
ရတဲ့အခါမှာ အတိုင်းမသိ
ပျော်ရွှင်တတ်တာ သဘာဝပဲမလား
ကျနော့်ရဲ့ ပျော်ရွှင်မှုကတော့
အတိုင်းထက်အလွန်ပေါ့လေ . . .။

အဲလိုနဲ့ ကမ္ဘာကနေမင်းကြီးကို
ပတ်တာ တစ်ပတ်ပြည့်သွားလို့
ကျနော်အပါအ၀င်ပေါ့
ပျော်ရွှင်နေကြတယ်လေ
ကံကြမ္မာဆိုးနဲ့ ကြုံတွေ့ဖို့
နီးလာတဲ့အကြောင်း
အဲဒီတုန်းက ကျနော်မသိခဲ့ဘူး . . .။

တစ်လတစ်ခါ မုန့်ဖိုးယူတတ်တဲ့
ကျနော့်ရဲ့ ခြောက်ကြိမ်မြောက်
မုန့်ဖိုးယူတဲ့အချိန်မှာ
သူမက ကျောင်းမတက်တော့ဘူး
နေမကောင်းလို့တဲ့ . . .။

ပျော်ရွှင်မှုတွေက အဝေးကို
ထွက်သွားကြပြီး
သူမကတော့ အိပ်ယာပေါ်မှာ
လဲလျောင်းလျှက်ပေါ့
ဘယ်အချိန်ထိ လဲလျောင်းနေအုံးမှာလဲ
ကောင်မလေးရေ . . .။

ကျနော့်ရဲ့နှလုံးသွေးဟာ
သူမရဲ့ ဝေဒနာအတွက်
ဆေးတစ်ခွက်ဆိုရင်
ကျနော် ပေးလိုက်ချင်ပါတယ်
သူမကို ဝေဒနာတွေနဲ့
နှစ်ပါးမသွားစေချင်တော့ဘူး . . .။

သေချာပါတယ် . . .
ဝေဒနာဆိုးကြီးက
သူမကို ကောင်းင်းနှိပ်စက်တဲ့
နိဂုံးချုပ်မှာတော့
ကျနော် အပါအ၀င်
သူမနဲ့ ပက်သက်တဲ့ လူအားလုံးကို
အပြီးတိုင် နှုတ်ဆက်ကျောခိုင်းသွားခဲ့တယ် . . .။

တမလွန် ဘ၀မှာ
ပျော်ရွှင်ပါစေ ချစ်ဦးသူရေ . . .။

Cell Phone(Mobile) နဲ့ ဘယ်ဘက်နား

နည်းပညာမှ အံ့မခမ်းတိုးတက်နေတဲ့ခေတ်ကြီးမှာ နည်းပညာသုံး လူသုံးကုန်ပစ္စည်းတွေကိုလည်း အများအပြားသုံးစွဲနေကြပါတယ်။ ပစ္စည်းတိုင်းမှာ ကောင်းကျိုး ဆိုးကျိုးတွေရှိနေပါတယ်။ ကျနော် ဒီနေရာမှာ Cell Phone(Moblie) နဲ့ပက်သက်ပြီး ပြောချင်ပါတယ်။

Cell Phone(Moblie)ကို အသုံးပြုပြီးစကားတဲ့အခါမှာဆိုရင် ဘယ်ဘက်နားကို အသုံးပြုကြပါ။ ညာဘက်နားကို အသုံးပြုရင် ဦးနှောက်ကို တိုက်ရိုက်ထိခိုက်နိုင်ပါတယ်။ အောက်ပါပုံကို လေ့လာကြည့်ကြပါ . . .



From >> http://gurlzgroup.blogspot.com/2007/03/ear-and-cell-phone.html
Source >> Apollo Medical Team

Virus ကာကွယ်နည်းသစ်

ကျနော်၏ စာမေးပွဲသည် ယမန်နေ့တွင်ပြီးဆုံးသွားပါသည်။ ထို့ကြောင့် ကျနော်သည် ပိုစ့်တင်ခြင်းနှင့် အိမ်(ဘလော့) လည်ခြင်းများကို ပြုလုပ်နိုင်တော့မှာဖြစ်ပါသည်။

ကျနော် Virus ကာကွယ်နည်းလေးတွေ့ထားလို့ မျှဝေချင်လို့ပါ။ နည်းကတော့ နည်းည်းထူးဆန်းတယ်။ ဘာ ဆော့ဝဲလ်မှလည်း မလိုဘူး၊ ခက်က်ခဲခဲလည်း ဘာမှကိုလုပ်စရာမလိုပါဘူး။

အောက်မှာဖော်ပြထားတဲ့ လင့်လေးကပုံပါအတိုင်းပြုလုပ်ကြည့်လိုက်ပါ။ ကျနော်ကတော့ မလုပ်ကြည့်ရသေးဘူး
အဆင်ပြေလား မပြေဘူးလားဆိုတာတော့ ကျနော်အတိအကျမပြောနိုင်သေးဘူးပေါ့။ အဲ ဘလော့ဂါမောင်နှမတို့ လုပ်ကြည့်လို့ အဆင်ပြေရင် ကျနော့်ကိုလည်း ပြန်ပြောပြကြပါအုံးနော် ကျေးဇူးမမေ့ပါဘူး . . . ။

http://ongrot.googlepages.com/3.jpg

အဆင်ပြေကြပါစေ ဟဲ ဟဲ . . .

လုပ်ကြပါအုံးဗျို့

ကျနော်အခုတလော အရမ်းကိုအလုပ်ရှုပ်နေပါတယ်။ လာမယ့် တနလာင်္နေ့မှာ ကျနော်စာမေးပွဲလည်းရှိပါတယ်။ အခုကျနော်နောက်ဆုံးတင်ထားတဲ့ Uni Mon နှင့် Zawgyi-One ပိုစ့်ကိုလည်း ကျနော်ရေးထားတာကြာပါပြီး မအားသေးလို့ မတင်ဖြစ်သေးပဲ ဇူလိုင် ၁၆ ရက်နေ့ကမှ အချိန်လုပြီး ကျနော်တင်လိုက်တာပါ။

အခုတလော ကျနော်နာမည်နဲ့ ယုန်ကလေး စီပုံးမှာ တစ်ယောက်က်က သွားအော်နေပါတယ်။ ဘယ်သူလဲဆိုတာ ကျနော်လည်းမသိဘူး။
ကျနော်နောက်ဆုံး ယုန်ကလေးစီပုံးမှာ သွားအော်ထားတာပါ
13 Jul 08, 04:53
မော်စီ: ယုန်ကလေးရေ နေကောင်းလားဗျ နဲနဲရှုပ်နေလို့ အခုမှ လာလည်နိုင်တော့တယ် ဒါနဲ့ ကျနော့်ရဲ့မွန်ကဗျာလေးကို လာဖတ်ပါအုံးနော်

ကျနော့်ရဲ့ မွန်ကဗျာ နဲ့ ပက်သက်တဲ့ ပိုစ့်ကို လာရောက်ဖတ်ဖို့ သွားဖိတ်တာပါ။ ဒီလိုမျိုး ဘလော့တော်တော်များများကို ကျနော် သွားဖိတ်ထားပါတယ်။ ကျနော်ပိုစ့်ကို ကော့မန်းတွေလည်း အများကြီးပေးသွားကြပါတယ်။

အဲဒီနောက်ပိုင်း ကျနော်ယုန်ကလေးဘလော့ကို မရောက်ဖြစ်ပါဘူး။ ဒီမနက်မှ ကျနော် စီပုံးမှာ ယုန်ကလေး လာအော်တာ
ယုန်ကလေး: မော်စီရေ လာလည်သွားပါတယ်နော် ရင်ခုန်မဲ့စကားတော့မပြောတတ်ဘူးလေ

တွေ့တော့ တစ်ခုခုတော့မှားနေကြောင်း ကျနော်ရိပ်မိပါတယ်။ အဲဒါနဲ့ယုန်လေးဘလော့ကိုသွားကြည့်လိုက်တော့

မော်စီ: လာလည်ပါတယ် ယုန်းလေးရေ ရင်ခုန်မဲ့ စကားတွေ မပြောတော့ဘူးလား

ဒီလိုအော်ထားတာတွေ့ရပါတယ်။ ကျနော်မဟုတ်ပါဘူးခင်ဗျာ။ ယုန်ကလေးရဲ့ စီပုံးက older mesages ကို ကျနော်ဖတ်ကြည့်တော့ ဒီလိုအော်ထားတာကို ထပ်တွေ့ရပါတယ်

မော်စီ: မော်စိဟာ မွန်လေးတယောက်ဖြစ်ပေမဲ့ ကြင်နာတတ်တဲ့နှလုံးသားရှိပါတယ်
မော်စီ: မွန်လေးလည်းရင်ခုန်တတ်ပါတယ်
မော်စီ: အိပ်မက်တော့မလုပ်ပါနဲ့ ယုန်းကလေးရေ

အဓိက ကျနော်မဟုတ်ကြောင်းကို ယုန်ကလေးကိုသိစေချင်ပါတယ်ခင်ဗျာ။ IP address ကိုလည်း စစ်ကြည့်စေချင်ပါတယ်။ ကျနော့် IP address ကိုဖော်ပြပေးလိုက်ပါတယ် ( 125.26.48.10)

အခုတလော ကျနော်ဘလော့လည်နိုင်မည် မဟုတ်ပါ။ ကျနော့်နာမည်နဲ့ မဟုတ်တာလာအော်ခဲ့ရင်တော့ ကျနော်မဟုတ်ကြောင်း အသိပေးပါရစေခင်ဗျာ။

ဘလော့ဂါမောင်နှမများကို အစဉ်လေးစားလျက် . . .

Uni Mon နှင့် Zawgyi - One

အွန်လိုင်းပေါ်ကို မွန်လူမျိုးတွေအများကြီးရောက်ရှိနေကြပါတယ်။ ဘလော့လောကမှာလည်း မွန်ဘလော့ဂါတွေ နေစဉ်နှင့်အမျှတိုးပွားနေပါတယ်။ ဘလော့တွေမှာ အဓိက ကြုံတွေ့ရတဲ့ ပြဿနာက ဖောင့် (font)မမြင်ရခြင်းပါပဲ။
ကျနော်ဒီပိုစ့်ကိုရေးသားရခြင်းရဲ့ ရည်ရွယ်ချက်ကတော့ ယူနီမွန်ဖောင့် အကြောင်းကို အနည်းငယ်တင်ပြရင်းနဲ့ ဇော်ဂျီဝမ်းနဲ့ ဘယ်လိုတွဲသုံးရမလဲကို ကျနော်သိသလောက်ရှင်းပြချင်ပါတယ်။ အဓိကကတော့ ဘလော့မှာ ဖောင့်ကိစ္စနဲ့ ပက်သက်ပြီး သိပ်မသိရှိသေးတဲ့ မွန်ဘလော့ဂါများအတွက် ရည်ရွယ်ပါတယ်။ သိကျွမ်းနားလည်တဲ့ ဘလော့ဂါများ အနေနဲ့ ဒီပိုစ့်နဲ့ပက်သက်ပြီး ကျနော်ရဲ့ အားနည်းချက်များကို ထောက်ပြစေချင်ပါတယ်။

ယူနီမွန်ဖောင့်ကို ယူနီကုဒ်တို့ရဲ့စည်းမျဉ်းစည်းကမ်းအတိုင်း လိုက်နာပြီး မွန်လူမျိုး ကွန်ပြူတာပညာရှင်တစ်ယောက်က ပြုလုပ်ထားပါတယ်။ ယူနီမွန် keyboard driver ကို အသုံးပြုခြင်းအားဖြင့် မွန်စာရော ဗမာစာပါရေးသားနိုင်ပါတယ်။ ဗမာစာကို ဇော်ဂျီဝမ်းဖောင့်ဖြင့်ရေးသားနိုင်ပါတယ်။ အခု ကျနော့်စက်မှာ ယူနီမွန် keyboard driver ကိုအသုံးပြုထားပါတယ်။ အဲဒီအတွက်ကြောင့် ဇော်ဂျီဝမ်းဖောင့်ကိုပါ ကျနော် အသုံးပြုနိုင်ပါတယ်။

ဘလော့တစ်ခုမှာ မွန်စာကို ယူနီမွန်နဲ့ရေးပြီး ဗမာစာကို ဇော်ဂျီဝမ်းနဲ့ရေးချင်ရင်တော့ ယူနီမွန် keyboard driver ကို install လုပ်ထားလိုက်ပါ အဆင်ပြေသွားပါလိမ့်မယ်။ ဖောင့်များကိုတော့ အောက်ပါအတိုင်းကြော်ငြာပေးရပါလိမ့်မယ်။

<Variable name="bodyFont" description="Text Font" type="font"
default="normal normal 100% Uni Mon, Zawgyi-one,'Trebuchet MS',Verdana,Arial,Sans-serif">
<Variable name="pageTitleFont" description="Blog Title Font" type="font"
default="normal bold 200% Uni Mon, Zawgyi-one,'Trebuchet MS',Verdana,Arial,Sans-serif">
<Variable name="descriptionFont" description="Description Font" type="font"
default="normal normal 100% Uni Mon, Zawgyi-one,'Trebuchet MS',Verdana,Arial,Sans-serif">
<Variable name="headerFont" description="Sidebar Title Font" type="font"
default="normal bold 100% Uni Mon, Zawgyi-one,'Trebuchet MS',Verdana,Arial,Sans-serif">
<Variable name="postTitleFont" description="Post Title Font" type="font"
default="normal bold 135% Uni Mon, Zawgyi-one,'Trebuchet MS',Verdana,Arial,Sans-serif">

ကျနော်တို့ ပုံမှန်ရေးသားချင်တဲ့ ဖောင့်ကို % နဲ့ ကပ်ရပ်ထားပြီး နောက်ထပ်ဖောင့်ကိုတော့ ဒုတိယနေရာမှာ ထားပေးရပါမယ်။

ဥပမာ-- ကျနော်တို့ ယူနီမွန်ဖောင့်ကို % နဲ့ ကပ်ရပ်ထားလိုက်ရင် ကျနော်တို့ ယူနီမွန်ဖောင့်နဲ့ ပိုစ့်တင်တဲ့အခါ ပုံမှန်အတိုင်းပဲ ယူနီမွန်ဖောင့်နဲ့စာရိုက်ပြီး တင်လိုက်ရုံပါပဲ။ ဒုတိယနေရာမှာထား ထားတဲ့ ဇော်ဂျီဝမ်းဖောင့်နဲ့ ပိုစ့်တင်တဲ့အခါမှာတော့ အောက်ပါအတိုင်းလုပ်ရပါမယ်။

ဇော်ဂျီဝမ်းဖောင့်နဲ့ စာရိုက်ပြီး ပိုစ့်တင်တဲ့နေရာမှာ ကျနော်တို့ ဖောင့်ထပ်ကြော်ငြာ်ပေးရပါမယ်။

<font-family:"Zawgyi-One;"> ရေးသားလိုသည့်စာ </font>

Uni Mon >> font > keyboard diver > keyboard Layout တွေကိုလိုချင်ရင်တော့ ကျနော်ရဲ့ ဘယ်ဘက် ဆိုဒ်ဘားမှာ Download ရယူနိုင်ပါတယ်။

ကဲ့ ကျနော်သိသလောက် မှတ်သလောက်မျှဝေလိုက်တာပါ။ ဘလော့မှာ မွန်စာရော ဗမာစာပါ ရေးသားတင်ပို့ရင်း ပျော်ရွှင်နိုင်ကြပါစေဗျာ. . . .

ကျနော်နဲ့မွန်စာ

လျးဂိတုတေံတၞး
ကေင်သာယာကႜုင်
မွဲအခိင်တေံလေ၀် . . .

မတ်ဗြဲတအ်စုဪဒႝါ
လျးဂိတုလေ၀်ဟွံဆုဪ
သြ၀် . . . .
ဂႜုဓီုလၝုလေၝာန်ကွေံရၟဲာ

လ်းဂိတုဂြံထပ္တၞး
ပုိဦမင္စၞှေကတ္ဟာ?
ဂိုတ်ထစာန်ကေတ်ဟာ?
ဆပ်ဗစာရောင်စိုအ် . . . .

ကျနော်ရဲ့မွန်ကဗျာတစ်ပုဒ်ပါ။ ဖတ်ကြည့်အင်မတန်အဓိပ္ပါယ်ပြည့်ဝတဲ့ ကဗျာတစ်ပုဒ်ပါ(ကျနော်ရေးထားလို့:P)။ အဓိပ္ပါယ်ကို ကျနော် ရှင်းပြပါမယ် ``အရင်တစ်ချိန်က လမင်းကြီး ထွန်းလင်းလို့ သာယာခဲ့ဖူးတယ် ... တိမ်တွေဖုံးလို့ ထွန်းလင်းနေတဲ့လမင်းကို မမြင်နိုင်တော့ပါဘူး မှောင်မိုက်ပျင်းရိစရာ ကောင်းပါတယ် ... လမင်းကြီးနောက်ထပ် ထွန်းလင်းနိုင်ဖို့ ကျနော်တို့ ထိုင်စောင့်နေမှာလား ကြိုးစားရုန်းကန်ယူမလား စဉ်းစားကြည့်ကြပါစို့´´ လို့ အဓိပ္ပါယ်ရပါတယ်။

ကျနော့်မိဘဖိုးဖွားတွေက မွန်စစ်စစ်တွေဖြစ်လို့ ကျနော်ကမွန်သွေးစစ်တဲ့မွန်လူမျိုးလေးတစ်ယောက်ဖြစ်ပါတယ်။ ကျနော့်ရဲ့မိခင်ဘာသာကတော့ မွန်ဘာသာပေါ့။ တစ်ခုလောက်တော့ဝန်ခံချင်ပါတယ်။ ကျနော်က မွန်လူမျိုး စစ်စစ်တစ်ယောက်ဖြစ်နေပေမယ့် မွန်စာကို ကောင်းကောင်းမတတ်ပါဘူး။ မွန်စာကို ဗမာစာလောက် ကျနော် မကျွမ်းကျင်ပါဘူး။ ရီစရာများဖြစ်နေမလား . . . မွန်လူမျိုးတစ်ယောက်က ကိုယ့်စာကိုတော့ မကျွမ်းကျင်ဘူး သူများစာကိုကျတော့ ကျွမ်းကျင်နေတယ်။ ကျနော်တစ်ယောက်တည်း ဒီလိုဖြစ်နေတာမဟုတ်ပါဘူး။ ကျနော်တို့မွန်လူမျိုး အတော်တော်များများ အဲဒီလိုဖြစ်နေကြပါတယ်။

ကဲ့ ဘာဖြစ်လို့ မတတ်တာလဲ။ ရှင်းပါတယ် မသင်လို့ပေါ့ဗျာ။ ဒီပညာတွေက မွေးရာပါတတ်လာတဲ့ပညာတွေမှ မဟုတ်တာ သင်မှတတ်မှာပေါ့။ ကိုယ့်မိခင်ဘာသာကို မသင်ဘူးဆိုတော့ မွန်လူမျိုးတွေ ပျင်းနေတယ်လို့တော့ မထင်ပါနဲ့။ မေးကြည့်လိုက်ပါ စာဖတ်သူတို့နဲ့ နီးစပ်တဲ့ မွန်စာမတတ်တဲ့ မွန်လူမျိုးတွေကို
`` မွန်စာမသင်ချင်ဘူးလား?´´ လို့။ သင်ချင်ကြပါတယ် မတတ်ဘူးဆိုတာကလည်း သင်ဖို့အခွင့်အရေးတွေ မရခဲ့ကြလို့ပါ။

မွန်စာတတ်တဲ့မွန်လူမျိုးတွေ အများကြီးရှိပါတယ်။ အဓိကကတော့ မွန်ဘုန်းကြီးတွေပေါ့။ ဘုန်းကြီးတွေရဲ့ကျေးဇူးကြောင့်လည်း မွန်စာက အခုထိရှင်သန်နေတာပါ။ ကျနော်လည်း အထက်ပါကဗျာကို ရေးသားနိုင်ဖို့ ကိုရင်ဝတ်ပြီးဘုန်းကြီးကျောင်းမှာ မွန်စာသင်ရပါတယ်။ မွန်စာသင်ဖို့အတွက် ကျနော်ဒုတိယအကြိမ် ကိုရင်ဝတ်ရပါတယ်။ ကဲ့စဉ်းစားကြည့်ကြပါဗျာ . . . ကိုယ့်ဘာသာစာပေကိုသင်ဖို့အတွက် ဘုန်းကြီးဝတ်နေရသေးတယ်။

အရင်တုန်းကတော့ နွေရာသီကျောင်းပိတ်ရက်တွေမှာ ဗမာကျောင်းတက်နေကြတဲ့ မွန်လူငယ်ကျောင်းသားတွေက ဘုန်းကြီးကျောင်းသွားပြီး မွန်စာသင်ကြပါတယ်။ ကျနော်တို့မွန်အခေါ် ``ဘာဥတုကညင်´´ နွေရာသီမွန်စာသင်ကျောင်းပေါ့။ ဘုန်းကြီးတွေ မွန်စာတတ်တဲ့ လူကြီးတွေ အခမဲ့သင်ပေးကြပါတယ်။ တစ်ခြားဘာသာတွေကို သင်လို့အားတဲ့အချိန်တွေမှ ကိုယ့်ရဲ့ မိခင်ဘာသာကိုသင်ရတာ သဘာဝမကျဘူးလို့ ထင်ပါတယ်။

အခုအချိန်မှာလည်း နွေရာသီမွန်စာသင်ကျောင်းကို မွန်ကျေးရွာတွေမှာ ကိုယ့်အားကိုယ်ကိုးကျောင်းတွေဖြင့် မွန်စာပေဆက်လက်ရှင်သန်ဖို့ ကြိုးစားနေချိန်မှာ မွန်ပြည်နယ်ရဲ့မြို့တွေမှာ အဲဒီအခွင့်အရေးတွေနည်းပါးနေပါတယ်။ အဲနောက်တော့ မော်လမြိုင်မှာရှိတဲ့ မွန်ယဉ်ကျေးမှု ပြတိုက်ကိုလည်း အမျိုးသားယဉ်ကျေးမှုပြတိုက်လို့ ပြောင်းလိုက်သေးတယ်။ ရှိပါသေးတယ် မွန်အမျိုးသားနေ့ကို မွန်ပြည်နယ်နေ့ဆိုပြီး မြန်မာတိုင်းမ်ဂျာနယ်မှာ ပါခဲ့ပါသေးတယ်။ သံလွင်တံတား အ၀င်ဝ အ၀ိုင်းမှာရှိတဲ့ ဟသာင်္ရုပ်တုကို ဗေဒင်အရ ဆွမ်းအုပ်ပုံပြောင်း လိုက်ပါ သေးတယ်လေ။ အဲဒါတောင် န အ ဖ အစိုးရက ကျောသားရင်သား မခွဲခြားပဲ တိုင်းပြည်ကို အုပ်ချုပ်နေတယ် ဆိုပဲ။

မွန်လူမျိုးတိုင်း မွန်စာမတတ်နိုင်ကြပေမယ့် ၉၀ ရာခိုင်နှုန်းလောက်တော့တတ်သင့်ပါတယ်။ မွန်စာသင်ခွင့်လည်း လွတ်တ်လပ်လပ်ရှိသင့်ပါတယ်။ လူမျိုးတိုင်း ကိုယ့်ရဲ့ စာပေ ယဉ်ကျေးမှုတွေကို ဖွံ့ဖြိုးတိုးတက်အောင် လုပ်ဆောင်ခွင့်ရှိသင့်တယ်လို့ စာဖတ်သူတို့အနေနဲ့ မထင်ဘူးလား။

လူမျိုးတစ်မျိုးမှာ ဘာသာစကား၊ စာပေ၊ ယဉ်ကျေးမှုတွေက အရမ်းကိုအရေးကြီးပါတယ်။ အဲဒါတွေသာ မရှိတော့ရင် အဲဒီလူမျိုး အနှေးနဲ့အမြန် ပျောက်ဆုံးနိုင်ပါတယ်။ ကျနော်တို့ လူမျိုးရဲ့ ဘာသာစကား၊ စာပေ၊ ယဉ်ကျေးမှုတွေ ပျောက်ကွယ်မသွားအောင် ကာကွယ်ထိန်းသိမ်းရင်း . . . .

အချစ် + ကျနော် + နှုတ်ဆက်ခြင်း

အေချမ်းတဲ့ ဆောင်းတွင်းရဲ့
နေ့လေးတစ်နေ့မှာ . . .
အချစ်ကို နှုတ်ဆက်ကျောခိုင်းပြီး
အချစ်လောကနဲ့ . . .
ဟိုးအဝေးဆုံးကို ထွက်သွားခဲ့ဖူးတယ်

စမ်းချောင်းထဲမှ ရေတွေ
မိုင်ပေါင်းများစွာ ခရီးနှင်ပြီးနောက်
အချစ်လောကထဲကို
အကြောင်းပြချက်မဲ့စွာနဲ့
ပြန်ရောက်လာခဲ့ပြန်တယ်

အေးချမ်းတဲ့ မိုးတွင်းရဲ့မိုးဖွဲးတဲ့
နေ့တစ်နေ့မှာ . . .
အချစ်က နှုတ်ဆက်ကျောခိုင်းပြီး
ကျနော်နဲ့
ဟိုးအဝေးကို ထွက်သွားဖို့
အိပ်မက်တွေ လာပေးသွားပြန်တယ်

အချစ် + ကျနော် + နှုတ်ဆက်ခြင်း
သံသရာထဲဝယ်. . .

ကျနော်ကြားဖူးသော ဟာသများ (၅)

ကျနော်မော်စီ mozi-star.blogspot.com နေအိမ်ကို ဒီနေ့မနက်ပဲ အဆင်ပြေပြေချောချော
မွေ့မွေ့ နဲ့ပဲ ပြန်ရောက်လာပါတယ်။ လူကြီးတွေကို စိတ်ပူအောင်လုပ်မိတဲ့အတွက် တောင်းရော စကောရောပန်ပါတယ်နော်။

အဲဘယ်တွေသွားနေလည်းကိုတော့ မေးနဲ့ ပြောပြဘူး။ ၀ိုင်းဝန်းရှာပေးကြတဲ့ ဘလော့‎ဂါ မောင်နှမတွေအတွက် ကျနော်ကြားဖူးတဲ့ဟာသတစ်ခုကိုပြောပြမယ်နော်။

မြန်မာ့အလင်းသတင်းစာထုတ်တဲ့ သတင်စာတိုက်ထဲမှာပေါ့ . . .
တစ်နေ့တော့ အယ်ဒီတာချုပ်ကြီးက စာစီစာရိုက်တဲ့ဝန်ထမ်းတွေကို အရေးတကြီး ခေါ်ယူ တွေ့ဆုံပါတယ်။

အယ်ဒီတာချုပ် . . . ``သတင်းစာထုတ်ဖို့ အဆင်သင့်ဖြစ်နေပြီးလား။´´

ဝန်ထမ်း . . . ``ဟုတ်ကဲ့ အယ်ဒီတာချုပ်ကြီးခင်ဗျား Layout အပိုင်းတောင်ပြီးနေပါပြီး။´´

အယ်ဒီတာချုပ် . . .``အေး အထက်ကညွှန်ကြားလာတယ် နိုင်ငံကိုအုပ်ချုပ်တဲ့လူကြီးမင်းတွေ ရဲ့နာမည်တွေကို အရှေ့ကရာထူးဂုဏ်ပိုဒ်ေ‎‎တွကို ဖြုတ်ပြီး ရိုးရိုးနာမည်ပဲထည့်ပါ။´´

ဝန်ထမ်း . . . ``ဟိုဘယ်လိုပြင်ရမလဲ ကျနော်တို့ သိပ်မရှင်းဘူးခင်ဗျ။´´

အယ်ဒီတာချုပ် . . . ``ဟာ မင်းတို့က တယ်လည်းပိန်းတကိုး ဗိုလ်ချုပ်မှုးကြီးတို့ ဒုတိယဗိုလ်ချုပ်ကြီးတို့ သူရတို့ သီဟတုိ့ ထာဝရတို့ကွာ အဲဒါတွေကိုဖြုတ်လိုက် ပြီးရင် ဦးတွေပဲထည့်လိုက်ပေါ့ကွ။´´

ဝန်ထမ်း . . . ``ဟိုဒါဆို ဗိုလ်ချုပ်မှုးကြီးသန်းရွှေဆိုရင် ဦးသန်းရွှေ ဆိုပြီးပြင်ရမှာပေါ့နော်´´

အယ်ဒီတာချုပ် . . .`` အေးဟုတ်တယ် တော်တော်ပိန်းတဲ့ကောင်တွေ
( ဒီလိုကောင်တွေကြောင့်ပေါ့ ဒို့နိုင်ငံက #####@@@++ ဖြစ်နေတာ) နာရီဝက်အတွင်း အပြီးပြင်ပါ ဒါပဲ´´

အဲလိုနဲ့ စာစီစာရိုက်ဝန်းထမ်းတွေနဲ့ Layout ချတဲ့သူတွေ အလုပ်ရှုပ်သွားပြန်တာပေါ့ဗျာ။ ဒီလိုနဲ့
နာရီဝက်လောက်အကြာမှာ စာစီစာရိုက်ဝန်းထမ်းတစ်ဦးက ရေးကြီးသုတ်ပြာနဲ့ အယ်ဒီတာချုပ် အခန်းထဲကိုပြေးဝင်သွားပြန်ရော . . .။

ဝန်ထမ်း . . . ``အယ်ဒီတာချုပ်ကြီးခင်ဗျား ဟိုရာထူးဂုဏ်ပိုဒ်တွေကိုဖြုတ်ပြီး ဦးတွေလို့ ပြင်ဆင်ပြီးပါပြီး . .´´

အယ်ဒီတာချုပ် . . . ``အေး မင်းတို့တော်တယ်´´

ဝန်ထမ်း . . . `` ဟိုနောက်တော့လေ´´

အယ်ဒီတာချုပ် . . . `` နောက်တော့ဘာဖြစ်လဲ´´

ဝန်ထမ်း . . .`` အဲဒါတွေကို ပြင်ဆင်လိုက်တော့ စာမျက်နှာက နှစ်မျက်နှာတောင်ပိုနေပါတယ် အဲဒါဘယ်လိုလုပ်ရမလဲခင်ဗျာ´´

အယ်ဒီတာချုပ် . . .`` အန် နှစ်မျက်နှာတောင်ပိုနေတယ်´´

ကဲ ဘယ်လိုလုပ်ရမလဲ အဲဒီပိုနေတဲ့ စာမျက်နှာနှစ်မျက်နှာမှာ ဘာအစီအစဉ်တွေထည့်ရမလဲ ၀န်းဝိုင်းစဉ်းစားပေးကြပါအုံးဗျာ . . . ။

လူပျောက်ကြေငြာ

အိမ်အမှတ် mozi-star.blogspot.com၊ blogger လမ်း၊ blogspot.com ရပ်ကွက်နေ ဦး . . . . . . . နှင့် ဒေါ် . . . . . . . တို့၏သား မော်စီဆိုသူဘလော့ဂါသည် ဇွန် ၂၁ ရက်နေ့တွင် mozi-star.blogspot.com နေအိမ်မှ ပျောက်သွားခဲ့ပါသည်။ ယနေ့အချိန်အထိ ဘယ်ကိုရောက်၍ဘယ်ပေါက်နေမှန်း သတင်းအချက်အလက် တစ်စုံတစ်ရာမှ မရရှိသေးချေ။ ထို့ကြောင့် ဘလော့ဂါရပ်ဝန်းမှ မောင်နှမများ မော်စီဆိုသူဘလော့ဂါကိုတွေ့ရှိပါက အမြန်ဆုံးဆက်သွယ်အကြောင်းကြားစေချင်ပါသည်။ လာရောက်ဆက်သွယ်အကြောင်းကြားလာသူများကို ကျေးဇူးဆပ်မည်ဖြစ်ပြီး ထိန်းသိမ်းထားပါက ထိရောက်စွာအရေးယူခြင်း ခံရမည်ဖြစ်ပါသည်။

ပုံ
မော်စီ၏ ကိုယ်ပွား
မီဇော်

ကျနော်နဲ့ Folder Options (ပျောက်ဆုံးခြင်း)

ကျနော့်ကွန်ပြူတာမှာ Folder Options ပျောက်သွားလို့ ခဏလောက်တော့ ခေါင်းစားသွားရပါတယ်။ စဉ်းစားခန်းဖွင့်လိုက်သေးတယ်။ ဘယ်နဲ့ပျောက်သွားရတာပါလိမ့်။ Folder Option ဆိုတာကို မိမိရဲ့ကိုယ်ရေးကိုယ်တာ ဒါမှမဟုတ် အများကိုမမြင်မတွေ့စေချင်တဲ့ file (or) folder များကို မြင်ကွင်းမှ ဖျောက်ထားခြင်း၊ မြင်ကွင်းပေါ်သို့ ပြန်ရောက်အောင် ပြန်ခေါ် ခြင်းတို့မှာ များသောအားဖြင့် အသုံးပြုတတ်ကြပါတယ်။

ကျနော်လည်း file တစ်ချို့ကို ဖျောက်ထားမလို့ လုပ်မယ်အကြံမှာ Tools ထဲမှာ Folder Options ရှိမနေဘူး။ ဒါများ ခက်တာမှတ်လို့ Control panel ထဲကိုသွားမှာပေါ့။ ရော အဲဒါမှ ခက်ပြီး . . . Control panel ထဲမှာ လည်း မရှိဘူးဗျ။ ဘယ်လိုလုပ်ရမလဲ ? အဲဒီတော့ ကျနော့်ဆရာတွေအထဲက ကျနော်နဲ့အနီးဆုံးရှိနေတဲ့ ဆရာကိုမေးရတော့မှာပေါ့။ အဲလိုနဲ့ ကျနော့်ဆရာတစ်ဦးဖြစ်တဲ့ google.com ဆီဝင်မေးလိုက်ရပါတယ်။

Folder Options ပျောက်ဆုံးခြင်းဟာ ဗိုင်းရပ်စားတာ ဖြစ်နိုင်ပါတယ်တဲ့။ ကဲ့ ပျောက်သွားတဲ့ Folder Options ကို ကျနော်တို့ ပြန်ခေါ် ကြရအောင် . . .

အရင်ဆုံး Start ထဲက Run ဆီကိုသွားရပါမယ်။
Run box ထွက်လာတဲ့အခါမှာ gpedit.msc ကိုရိုက်ပြီး ok ပေါ့။

ကဲ ပေါ်လာတဲ့ box ထဲမှာမှ . . . .
User Configuration -> Administrative Template -> Windows Components -> Windows Explorer
အဲလို တစ်ဆင့်ပြီးဆင့်သွားလိုက်ပေါ့။

ထွက်လာတဲ့ Box လေးထဲမှ Removes Folder Options menu from Tools menu ကိုရှာလိုက်ပြီး ၂ချက် ကလင့်လိုက်ပါ။ ထပ်ထွက်လာတဲ့ box ထဲက Disable ကိုရွေးလိုက်ပေ့ါ။

ကဲ့ အဲဒါတွေအားလုံးပြီးရင်တော့ ကျနော်တို့ Control panel ထဲမှာရော Tools ထဲမှာပါ Folder Options ပြန်တွေ့ ပါလိမ့်မယ်။ အားလုံးအဆင်ပြေကြပါစေဗျာ . . .။

အဖြေတဲ့နော်

အဖြေမှန်သူများကို ဤဒင်္ဂါးပြားလေးဖြင့် ဆုချပါတယ်။
ဒင်္ဂါးပြားလေးကို ရွှေသုံးကျပ်သားနဲ့ ကျနော် Photoshop မှာလုပ်ထားတာပါ။

ကမ္ဘာ့ကလေးအများဆုံးမွေးတဲ့နေ့ ?
ကဲ အဖြေကို ကလင့် လုပ်ကြည့်ရအောင် . . .
အဖြေ . . . .

ဘုရားလောင်း မဟောသဓာမွေးတဲ့နေ့ ပဲဖြစ်ပါတယ်ခင်ဗျာ။

ရှင်းချက် ။ ။ ကျနော်တို့ ၈ တန်းတုန်းက မဟောသဓာ ဇာတ်တော်ကိုသင်ရပါတယ်။ အဲဒီမှာ ဘုရားလောင်း မဟောသဓာနဲ့အတူ ဖွားဘက်တော် တစ်ထောင်ရှိပါတယ်။

ကဲ စဉ်းစားကြည့်ကြရအောင် . . . .
ဘုရားလောင်းမဟောသဓာနေတဲ့နေရာ တစ်နေရာတည်း(တစ်ရွာတည်း)မှာ ကလေးပေါင်းအယောက်တစ်ထောင်မွေးခဲ့တယ် နောက်တစ်ခြားမွေးတဲ့နေရာနဲ့ ပေါင်းလိုက်ရင် ကမ္ဘာမှာကလေးအများဆုံးမွေးတဲ့နေ့ ဖြစ်နိုင်ပါတယ်နော်။

ပဟေဠိတဲ့နော်

ကိုနေလင်း ဆီကို ပဟေဠိ အဖြေတွေသွားညှိနေရင်းနဲ့ ကိုနေလင်းကိုအားကျလို့ ကျနော်လည်းပဟေဠိ တစ်ခုမေးမလို့ပါ။

လွယ်ယ်လေးပါပဲ ကျနော်တို့ ၈ တန်းတုန်းက သင်တဲ့ မြန်မာစာထဲမှာပါတယ်။ သေချာတွေးကြည့်ရင် အဖြေပေါ်လာပါလိမ့်မယ်။

ပဟေဠိအမေးက . . .

ကမ္ဘာ့ကလေးအများဆုံးမွေးတဲ့နေ့ ကဘယ်နေ့လဲ?

Comment တွင်ပါဝင်ဖြေကြားကြပါရန် . . .
သုံးရက်အတွင်း အဖြေမှန်တဲ့သူကို ထိုက်က်တန်န်ဆုချမည်ဖြစ်ကြောင်း . . .

ကျနော်ကြားဖူးသော ဟာသများ (၄)

ပိုစ့်မတင်ရတာကြာတော့လည်း ဘာတင်လို့တင်ရမှန်းမသိတော့ဘူး။ ဒီတစ်လော အလုပ်နည်းည်းရှုပ်နေတယ် ဆိုပါတော့။ ဘယ်လိုပိုစ့်တွေ တင်ရင်ကောင်းမလဲလို့ စဉ်းစားနေတာ ၁၅ မိနစ်လောက်တော့ရှိသွားပြီး။

အဲလိုနဲ့ပဲ ကျနော်မော်စီ အကြောင်းအရာတစ်ခုကိုစဉ်းစားမိသွားတယ်။ ကျနော်ဆယ်တန်း အဆောင်နေတုန်းက ကျနော်တို့ အဆောင်မှူးက ဟာသတစ်ပုဒ်ပြောပြဖူးတယ်။

ဇာတ်လမ်းကဒီလို . . .

အခုခေတ်မှာ ဂျပန်နိုင်ငံဆိုတာ အာရှရဲ့ကျားတစ်ကောင်လို့ဆိုနေကြပါတယ်။ ဖွံ့ဖြိုးတိုးတက်နေတဲ့ နိုင်ငံတစ်ခုပေါ့ဗျာ။ နည်းပညာတွေနဲ့ပက်သက်လို့လည်း အသစ်အဆန်းတွေကို တီထွင်နိုင်တဲ့ နိုင်ငံပေါ့။ အဲလိုနဲ့ ဂျပန်ပြည်ကအဆင့်မြင့် အင်ဂျင်နီယာအဖွဲ့က မြန်မာနိုင်ငံကို အလည်အပတ်ရောက်ရှိလာပါတယ်။

ဂျပန်ပြည်ကအဆင့်မြင့် အင်ဂျင်နီယာအဖွဲ့တွေရောက်လာတော့ မြန်မာနိုင်ငံက အဆင့်မြင့်အင်ဂျင်နီယာအဖွဲ့တွေက လှိုက်က်လှဲလှဲကိုကြိုဆိုကြတာပေါ့လေ။

အဲလိုနဲ့ မြန်မာနိုင်ငံမှ ရေမြေတောတောင် သဘာဝရှုခင်းတွေ မြန်မာအင်ဂျင်နီယာတွေ တည်ဆောက်ထားတဲ့
လမ်း တံတား၊ ဆည်းမြောင်း၊ ရေကာတာ တွေကို လိုက်လံပြသနေတယ်ပေါ့။

အဲဒီတော့ ဂျပန်ပြည်မှအဆင့်မြင့် အင်ဂျင်နီယာအဖွဲ့တွေက မြန်မာနိုင်ငံကို သဘောတွေကျပြီး ဒီလိုပြောလိုက်တယ်

``ခင်ဗျားတို့ မြန်မာနိုင်ငံကို သဘာဝတရားကြီးက အင်မတန် မျက်နှာသာပေးတယ်ဗျာ။ မြေပေါ် မြေအောက် သယံဇာတတွေလည်း ပေါပါ့ . . . အင်း ခင်ဗျားတို့ နိုင်ငံကိုသာ ကျနော်တို့ နိုင်ငံလက်ထဲ ၅ နှစ်လောက်အပ်လိုက်ရင် ကျနော်တို့နိုင်ငံလို တိုးတက်သွားစေရမယ်ဗျာ´´ တဲ့လေ

အဲလိုတော့ မြန်မာအင်ဂျင်နီယာအဖွဲ့တွေကလည်း ဘယ်လက်ခံနိုင်မှာလဲဗျ။ ဒါက ကိုယ့်နိုင်ငံကို အထင်သေးတာပဲ သူတို့နိုင်ငံလောက် မတိုးတက်လို့ နှိမ်ပြောတာပဲ ဘာဆိုင်လို့ သူတို့နိုင်ငံလက်ထဲ အပ်ရမှာလဲ အဲလို မခံမရပ်နိုင်လို့ မြန်မာအင်ဂျင်နီယာအဖွဲ့ထဲမှ တစ်ယောက်က ဒီလိုပြန်ပြောလိုက်တယ် . . .

`` အင်း အဲလိုဆို ခင်ဗျားတို့ နိုင်ငံကိုလည်း ကျနော်တို့လက်ထဲ ၅ နှစ်လောက်အပ်လိုက်ပါလား ကျနော်တို့နိုင်ငံလို ဖြစ်သွားစေရမယ် ´´ တဲ့ ကဲရှင်းရော . . .

စာပေါ်အောင်ပြုလုပ်ခြင်း (ဘလော့အထောက်အကူပြု)

ဘလော့လောကထဲကို နေ့စဉ်နဲ့အမျှဘလော့ဂါတွေ တိုးလာတာကိုတွေ့ရပါတယ်။ ကျနော့်အမြင် ဘလော့ဆိုတာ ကိုယ်ပိုင် website ငယ်လေးတစ်ခုပါပဲ။ ဘလော့ဂါတိုင်းက webmaster မဟုတ်ကြတော့ ကုဒ်တွေကိုနားမလည်ကြဘူးပေါ့။ ကျနော်အပါအ၀င် HTML code တွေကိုနားမလည်သူများအတွက် နည်းပညာဆိုင်ရာနားလည်ကျွမ်းကျင်တဲ့ ဘလော့ဂါများက မည်သို့မည်ပုံပြုလုပ်ရမည်ကို ရေးသားတင်ပို့ပေးထားပါတယ်။ သူတို့တွေဆီမှ ကျနော်သိတာလေးတွေကို ပြန်လည်ဝေမျှလိုက်ခြင်းသာဖြစ်ပါတယ်။

ကျနော်ဘလော့လည်တဲ့အခါမှာ ဘလော့တစ်ချို့တွေမှာ စာမပေါ်ပဲ ??????? တို့ပဲပေါ်နေတာတွေကြောင့် မဖတ်ရပဲ ပြန်လှည့်သွားရပါတယ်။ ကျနော် နည်းပညာဆိုင်ရာ ဘလော့ဂါတွေနှင့် တစ်ခြားသောဆရာတွေဆီမှ သိသလောက်မှတ်သလောက် ဖော်ပြချင်ပါတယ်။ ( html code တွေနဲ့ ဝေးကွာသောသူများအတွက် အဓိကရည်ရွယ်ပါသည်။)

ကဲစပြီး . . .
ကျနော်တို့ http://www.blogger.com/ ကနေ login လုပ်ပေါ့။ ပြီးရင် Layout ကိုသွားလိုက်ပါ။ layout အောက်မှာမှ
Edit HTML ကိုသွားလိုက်ပါ။ Edit Template ခေါင်းစဉ်အောက်မှာ့  html code တွေရှိတဲ့ box လေးတစ်ခုကိုတွေ့ရပါလိမ့်မယ်။ အဲဒီ box ထဲမှာ ကျနော်အောက်မှာ ဖော်ပြထားတဲ့ code တွေကို ရှာကြည့်လိုက်ပါ။


<Variable name="bodyFont" description="Text Font" type="font"
default="normal normal 100% 'Trebuchet MS',Verdana,Arial,Sans-serif">
<Variable name="pageTitleFont" description="Blog Title Font" type="font"
default="normal bold 200% 'Trebuchet MS',Verdana,Arial,Sans-serif">
<Variable name="descriptionFont" description="Description Font" type="font"
default="normal normal 100% 'Trebuchet MS',Verdana,Arial,Sans-serif">
<Variable name="headerFont" description="Sidebar Title Font" type="font"
default="normal bold 100% 'Trebuchet MS',Verdana,Arial,Sans-serif">
<Variable name="postTitleFont" description="Post Title Font" type="font"
default="normal bold 135% 'Trebuchet MS',Verdana,Arial,Sans-serif">

font မထည့်ရသေးဘူးဆိုရင် ဒီလိုမြင်ရမှာဖြစ်ပါတယ်။ Template ခွဲပြားမှုတွေကြောင့် code တွေလည်း ကွဲပြားနိုင်ပါတယ်။
အဲဒီမှာတွေ့နေရတဲ့ % တွေရဲ့နောက်မှကပ်ရပ်မှာ space လေးတစ်ချက်ပုတ်ပြီး ကိုယ်သုံးနေတဲ့ကိုယ့်ရဲ့ font နာမည်ကိုထည့်လိုက်ပါ။ တစ်ချို့တမ်းပလိတ်တွေမှာ % ကိုအနည်းငယ်သာတွေ့ရပြီး တစ်ချို့မှာ အများကြီးတွေ့နိုင်ပါတယ်။ font ထည့်ပြီးရင် ဒီလိုပုံစံလေးဖြစ်သွားပါလိမ့်မယ်။ ( ကျနော် ဇော်ဂျီဝမ်းနဲ့ ဥပမာလုပ်ပြထားတာပါ ဇော်ဂျီဝမ်းနေရာမှာ ကိုယ်သုံးနေတဲ့ font ကိုထည့်သုံးနိုင်ပါတယ်။)

<Variable name="bodyFont" description="Text Font" type="font"
default="normal normal 100% Zawgyi-one,'Trebuchet MS',Verdana,Arial,Sans-serif">
<Variable name="pageTitleFont" description="Blog Title Font" type="font"
default="normal bold 200% Zawgyi-one,'Trebuchet MS',Verdana,Arial,Sans-serif">
<Variable name="descriptionFont" description="Description Font" type="font"
default="normal normal 100% Zawgyi-one,'Trebuchet MS',Verdana,Arial,Sans-serif">
<Variable name="headerFont" description="Sidebar Title Font" type="font"
default="normal bold 100% Zawgyi-one,'Trebuchet MS',Verdana,Arial,Sans-serif">
<Variable name="postTitleFont" description="Post Title Font" type="font"
default="normal bold 135% Zawgyi-one,'Trebuchet MS',Verdana,Arial,Sans-serif">

အဲဒါတွေပြီးရင်တော့ Save Template ကို ကလင့်လုပ်လိုက်ပေါ့။

ကျနော်လက်လှမ်းမှီသလောက် နည်းပညာဆိုင်ရာဘလော့ဂါများရဲ့ မြန်မာစာပေါ်အောင်ပြုလုပ်နည်းများကိုပါ ဖော်ပြလိုက်ပါတယ်။

ကိုမောင်လှရဲ့ Blogspot မှာ မြန်မာလို ရေးရတာ အဆင်ပြေအောင်...

ကိုညီလင်းဆက်ရဲ့ ဇော်ဂျီဖောင့် ကောင်းမွန်စွာ ပေါ်အောင်လုပ်နည်း

ကိုရန်အောင်ရဲ့ ဘလော့ဂ်တွင် ဇော်ဂျီဖောင့် Assign လုပ်ခြင်း….


နည်းပညာဆိုင်ရာနားလည်ကျွမ်းကျင်သောဘလော့ဂါများရဲ့ ဘလော့အထောက်ကူပြုပိုစ့်များ၏လင့်တွေကို ကျနော့်ရဲ့ sidebar တစ်နေရာမှာ ဖော်ပြပေးထားပါမယ်။
နောက်မှ အချိန်ရသလို ဘလော့အထောက်ကူပြုနိုင်မည့် အကြောင်းအရာတွေနဲ့ ကျနော်သိသလောက် နည်းပညာဆိုင်ရာ ဘလော့ဂါတို့ရဲ့ ဘလော့အထောက်ကူပြု ပိုစ့်များကို ဖော်ပြပေးပါအုံးမည်။ အားလုံးအစဉ်ပြေပါစေဗျာ။

သွေးစွန်းနေသော ကျနော့်လက်များ

သည်းခံခြင်းသည် အောင်မြင်ခြင်းတဲ့လေ။ တစ်ကယ်သည်းခံနိုင်ရင်တော့ အကောင်းဆုံးပေါ့ဗျာ။ ဒါပေမယ့် အဆုံး အစွန်ထိတော့ သည်းခံနိုင်တဲ့လူ တော်တော်လေးရှားပါတယ်။

အဲလိုရှားတဲ့အထဲမှာ ကျနော်မပါတာသေချာပါတယ်ခင်ဗျ။ ကျနော်ကတော့ သည်းခံနိုင်လောက်တဲ့ အတိုင်းအတာ လေးကျော်သွားရင်တော့ ပြန်တုံ့ပြန်တတ်ပါတယ်။ အဲဒါကြောင့် ကျနော့်လက်တွေ ခဏခဏ သွေးစွန်းနေရတာ ပေါ့ဗျာ။

တစ်ကယ်တော့ ကျနော်လည်း ဘယ်လုပ်ခြင်ပါ့မလဲဗျာ။ ပထမတော့ ကျနော်က သည်းခံနေပါသေးတယ်။ သည်းခံနေတာကို အခွင့်ကောင်းယူနေတာတော့ မကောင်းဘူးပေါ့လေ။ ကျနော်လည်း ဆက်မသည်းခံနိုင်တော့ စိတ်ရှိလက်ရှိ လုပ်လိုက်ရတာပေါ့။

စဉ်းစားကြည့်ပါဗျာ နေ့ဆိုလည်းတစ်မျိုး ညဆိုလည်းတစ်ဖုံ နေ့တိုင်းကို လိုက်အနှောင့်ယှက်ပေးနေတာတော့ လွန်လွန်းတာပေါ့။ မလုပ်ချင်လို့ငြိမ်နေတာကို ကြောက်နေတယ်လို့ထင်နေလို့လားမသိဘူး။ အဲဒါကြောင့် ဟိုစကားလိုပေါ့ နဂါးမှန်းသိအောင် အမောက်ထောင်ပြရတာပေါ့။

အဲလိုနဲ့ ကျနော့်လက်တွေ သွေးစွန်းကုန်တာပေါ့ဗျာ။
ကျနော့်လက်မှာ စွန်းသွားတဲ့သွေးတွေဟာ အမှန်တစ်ကယ်တော့ ကျနော့်ခန္ဓာကိုယ်ထဲက သွေးတွေပါပဲ။

ခက်တာက ကျနော့်မှာ အိပ်တဲ့အခါ ခြင်ထောင် ထောင်အိပ်တဲ့အကျင့်မရှိတော့ အိပ်တော့မယ်ဆိုရင် မီးပိတ် အိပ်ပြီးပေါ့ဗျာ။ အဲဒီအချိန်မှာ သူတို့က တ၀ှီ ... ၀ှီ ...၀ှီ နဲ့ဗျာ ဘယ်လိုမှ ကောင်းင်းအိပ်လို့မရဘူး။

အဲမနက်မိုးလင်းတော့လည်း ဗိုက်ကြီး တကားကားနဲ့ မထနိုင် မပျံနိုင်ကြတော့လောက်အောင် ကျနော့်ခန္ဓာကိုယ်ထဲက သွေးတွေကို မတော်မတရားစုတ်ထားကြတာလေ။

အဲလိုတွေ တွေ့တော့ ကျနော်လည်း စိတ်မထိန်းနိုင်လို့ စိတ်ရှိလက်ရှိကို ဆော်ထည့်လိုက်တယ်

`` ဖြောင်း´´ သေစမ်းဟဲ့ ခြင်စုတ်ပလုတ်

အဲလိုနဲ့ပဲ ကျနော့်လက်တွေ သွေးစွန်းကုန်တာပေါ့ဗျာ . . . ။

တၝဲဟံသာဝတှလီု ပေံင် (၂၅၁) သႝာံ

Mon Kingdom Hongsarwatoi Fallen Day


၁၃၇၀ခု၊ ကဆုန်လပြည့်ကျော် ၈ရက်နေ့သည် ဟံသာတီမွန်နိုင်ငံတော်ကျဆုံးခြင်း နှစ်ပေါင်း (၂၅၁) နှစ်တိုင်ခဲ့ပြီဖြစ်ပါသည်။ ဟံသာတီမွန်နိုင်ငံတော်ကျဆုံးခြင်း (၂၅၁) နှစ်ပြည့် အခမ်းအနားကို နိုင်ငံတကာမှ မွန်လူမျိုးများပြုလုပ်ကြပါသည်။ ထိုင်း-မြန်မာ နယ်စပ် တစ်နေရာမှ လွန်ခဲ့သောနှစ်ပေါင်း ၂၅၁ နှစ်တွင် သေချေခဲ့ကြသော မွန်သံဃာတော်များ မွန်ပြည်သူများအတွက် ကောင်းမှုကုသိုလ်များ ပြုလုပ်ပြီး အမျှအတန်းဝေခဲ့ကြပါသည်။

လက်ဆော့မိလို့

၁၃၇၀ခု ၊ ကဆုန်လပြည့်ကျော် ၁ ရက်၊ ၂၀၀၈ခုနှစ် မေလ၊ ၂၀ရက် ကျနော်မော်စီသည် လက်ဆော့မိသောကြောင့် တမ်းပလိတ်ပြောင်းလိုက်ရပါသည်။

အကြောင်း အစုံအလင်မှာ . . .

မအားတဲ့ကြားက လက်ဆော့မိလို့ ပြောင်းလိုက်ရတဲ့ ကျနော်တမ်းပလိတ်အသစ်လေးပါ။ လက်ဆော့မိလိုက်တာ sidebar က ကျနော့်လင့်တွေတစ်ခုမှ မကျန်အောင်ပျက်သွားတော့ တမ်းပလိတ်ပြောင်းလိုက်ရတာပေါ့ဗျာ။

ဘယ်သူမပြု မိမိအမှုတဲ့လေ။ ကိုယ်က ဖျက်မိတော့ ကိုယ်ပဲ ပြန်ပြင်ရတော့တာပေါ့။ အင်း နောက်တစ်ခါဆို လက်မဆော့ရဲ့တော့ဘူး မအားပါဘူးဆိုနေမှ တမ်းပလိတ်ကပျက်သွားတော့ အလုပ်တစ်ခုပိုသွားတာပေါ့ အဲဒါကြောင့် ပိုပြီး အိပ်ရေးပျက်လာတယ် အိပ်ရေးပျက်လာတော့ နေထိုင်ရတာ အလန်းဆန်းဘူးပေါ့။

နေထိုင်တာမလန်းဆန်းတော့ စိတ်ကမရွှင်ဘူးလေ စိတ်မရွှင်တော့ လုပ်လိုက်တဲ့အလုပ်တွေက အရာမတွင်ပြန်ဘူးပေါ့ အင်း ဆက်ရေးနေရင် ပြီးမှာမဟုတ်တော့ဘူး ဒီလောက်နဲ့ရပ်ထားတာပဲကောင်းပါတယ်လေ။ အချိန်လေးရတာနဲ့ ပိုစ့်တင်နိုင်ဖို့ ကြိုးစားနေမှာပါ လာလည်တဲ့ ဘလော့ဂါမောင်နှမတွေကို ကျေးဇူးတင်ပါတယ်။