ဖိနပ်

ဖိနပ်ကြောင်းမပြောခင် ကျနော့်ကိုကျနော် အရင်မိတ်ဆက်ပါရစေ။ အဲဒီတုန်းက
အစိုးရနည်းပညာကောလိပ်(မော်လမြိုင်)လျှပ်စစ်စွမ်းအင်(EP)မှ ကျောင်းသား
တစ်ယောက်ပါ။ တနေ့တော့သူငယ်ချင်းတစ်ယောက်ရဲ့ဖိနပ်ဆိုင်မှာဖိနပ်တစ်ရံ
ဝယ်လိုက်တယ်။ ဖိနပ်က ပေါ့ပေါ့ပါးပါးနဲ့ ဈေးလည်းသိပ်မပေးရဘူး
ခြေညှပ်ဖိနပ်လေးပါ။ မိုးတွင်းမှာဒီလိုဖိနပ်လေးပဲကောင်းပါတယ်ကျောင်းလေး
ဘာလေး သွားရအောင်ဆိုပြီး အဲစိတ်ကူးနဲ့ ၀ယ်လိုက်တာပါ။ မနက် (၇း၁၅)
လောက် ကားဂိတ်ရောက်သွားတယ်။ ကျောင်းကားကို မတွေ့တာနဲ့သူငယ်ချင်း
တစ်ယောက်ကိုမေးလိုက်တယ် . . .
``ကျောင်းကားမလာသေးဘူးလား´´
သူကအရှည်ကြီးပြန်ဖြေတယ်
``ဟင့်ဟင်း´´တဲ့

ဟော ဟိုမှာမေတ္တာရှင်ဆိုတဲ့ ကျောင်းကားကြီးလာပါပြီး။ ကျောင်းကားစီးပြီး ဖိနပ်
အသစ်လေးနဲ့ ကျနော်ကျောင်းကိုသွားပါတယ်။ ကျောင်းရောက်တော့ မိုးကရွာ
ပါတယ် ထီးဆောင်းပြီး ကျောင်းဝင်းထဲကို လမ်းလျှောက်ဝင်သွားပါတယ်
လမ်းတစ်ဝက်လောက်ရောက်တော့ ကဲ ပြဿနာက အဲဒီမှာစတာ . . . . . . .။
ကျနော့်ဖိနပ်အသစ်ကလေးပြတ်သွားပါပြီး။ အဲဒါနဲ့ (EP) workshop အဆောင်
နားမှာရပ်ပြီး မိုးခိုရင်း လူသွားလူလာရှင်းအောင်စောင့်ရတာပေါ့။ ဒါမှပြတ်သွားတဲ့
ဖိနပ်ကို ယာယီပြင်ပြီး ဖိနပ်အသစ်သွားဝယ်ရမှာလေ။
ကျနော်တို့(EP)မှ သရုပ်ပြဆရာက . . .
``ဟေ့ကောင် မင်းဘာရပ်လုပ်နေလဲ လာလေ မင်းအတန်းမတက်ဘူးလား´´
``ဟဲဟဲ တက်မယ်ဆရာ ကျနော် ဟိုဟာ . . .´´
``ဒီကောင် အူကြောင်ကြောင်နဲ့ မြန်မြန်လာ´´

လာပြန်ပါပြီးနောက်တစ်ယောက် (EP) Btest က အစ်မတွေက . . .
``ဟဲ့ နင်ဒီမှာဘာလုပ်နေလဲ အတန်းမတက်ဘူးလား´´
``တက်မယ်´´
``ဘာလဲ ထီးမပါလို့လား လာငါနဲ့လိုက်ခဲ့လေ´´
``ရတယ်အစ်မ ကျနော် ဟို ဟို ဖိနပ်´´
``ဖိနပ်ဘာဖြစ်လဲ´´
``အော် ဘာမှမဖြစ်ဘူး ကျနော် ဟို . . .´´
``အေး ဘာမှမဖြစ်လဲ ပြီးရော ငါသွားပြီး´´

လူသွားလူလာ ရှင်းသွားတော့ဖိနပ်ကိုယာယီစီးဖို့သံချောင်းလေးတစ်ချောင်းရှာပြီး
ပြင်လိုက်ပါတယ်။ ဖိနပ်ဝယ်မယ် သွားဖို့ တစ်ခုစဉ်းစားမိလိုက်တယ် အခုလကုန်
ခါနီးရက်ဆိုတော့ ကျနော် ဘိုင်ပြတ်နေတဲ့ရက်တွေပဲ အဲဒီတော့ သူငယ်ချင်း
တစ်ယောက်ဆီမှာ ပိုက်ဆံချီးဖို့ အတန်းဘက်ကို ပြန်သွားပါတယ်။
ကျနော် ပိုက်ဆံချီးနေကျ ထမင်းကပ်စားနေကျသူငယ်ချင်းတစ်ဆီသွားတယ်။သူ
နဲ့ကျနော်က မေဂျာ ခြင်းမတူဘူး။ အဲဒါနဲ့ သူအတန်းဘက်ရောက်တော့ . . .

``ဟဲ့ နင်ဘာလာလုပ်တာလဲ အတန်းမတက်ဘူးလား´´
``နင်ကော အတန်းမရှိဘူးလား´´
``ဟင့်ဟင်း ဆရာမ မလာဘူး´´
``နင်ပိုက်ဆံပါတယ် မဟုတ်လား ငါ့ကိုချီးစမ်းဟာ ငါ့ဖိနပ်ပြတ်သွားလို့
နင်အားတယ် မဟုတ်လား လာ နင်ပါလိုက်ခဲ့´´

ဆိုပြီး သူ့ကိုပါ ကျနော် ချောဆွဲလိုက်တာ။ သူက ကျနော့် သူငယ်ချင်းတွေထဲမှာ
စိတ်အကောင်းဆုံးနဲ့ ကျနော် အခင်ဆုံးသူငယ်ချင်းတစ်ယောက်ပါ။ ကျနော်တို့
နှစ်ယောက် ဖိနပ်ဆိုင်ရောက်တော့ သူ့ပိုက်ဆံနဲ့ ဖိနပ်တစ်ရံဝယ်လိုက်တယ်။
ပြတ်သွားတဲ့ ဖိနပ်ကိုတော့ အမှိုက်ပုံမှာ ထာဝရ အနားယူခိုင်းလိုက်ပါတယ်။
ကျနော် နည်းနည်းထပ်ပြောချင်ပါတယ် . . .

ဖိနပ်ဆိုတာ ကျနော်တို့လူတွေမှာ အနိမ့်ဆုံးနေရာက ရုပ်ဝထ္ထုတစ်ခုဖြစ်ပါတယ်။
ကဲကြည့် ဖိနပ်ပြတ်လို့ ကျနော် ဘယ်လောက်အလုပ်ရှုပ်သွားလဲ။ ကျနော်တို့
လူတွေမှာ ရွှေနဲ့ ပြုလုပ်ထားတဲ့ ဆွဲကြိုးတို့ လက်စွပ်တို့ မပါပဲသွားလာလို့အဆင်
ပြေနိုင်ပေမယ့် ဖိနပ်မပါပဲ သွားလာလို့ အဆင်မပြေနိုင်ပါဘူး။ ရွှေနှင့်ဖိနပ်ကိုယှဉ်
ကြည့်မယ်ဆိုရင် တန်းဖိုးချင်း ပမာဏ ကွာခြားလွန်းပါတယ်။ ကျနော် ကြားဖူးတာ
တစ်ခုက အုန်းပင်တက်တဲ့နေရာမှာ တက္ကသိုလ်က ပါမောက္ခဟာ ပညာမဲ့ တဲ့
အုန်းပင်တက်တဲ့နေရာမှာအုန်းပင်တက်သမားက ပညာရှိပေါ့။ ဘယ်သူမဆို
ဘယ်အရာဝထ္ထုမဆို သူ့နေရာနဲ့သူ၊ သူ့ဂုဏ်သိက္ခာနဲ့သူ၊ သူ့တန်ဖိုးနဲ့သူ ရှိကြပါတယ်။
(ကျနော့်ရဲ့အမြင်ကို တင်ပြခြင်းပါ ဝေဖန်ပေးကြပါ)